Sapin de la Croix-Rouge

Mir sinn den Stand vum Jugendroutkräiz. D’Jugendroutkräiz sinn jonk Benevole am Alter vun 15- 30 Joer die sech gréisstendeels an den Vakanzekolonien engagéieren, awer och op verschidden Projeten, zB Aktivitéiten mat Senioren oder Kanner aus Flüchtlingsfamiljen, Nohaltegkeet an onsen Kolonien  asw. 

Säit Joeren proposéieren mir um Bazar Kanneranimatiounen an Form vun Facepainting, Gesellschaftsspiller, ons Faarwtrommel, Intefëschen, an villes méi. Mir sinn houfereg all Joer en Deel vum Bazar däerfen ze sinn.

EISE STAND

Dëst Joer hunn mir eng ganz besonnesch Aktioun fir den Bazar ausgewielt. Zanter 2009 hunn mir eng Aktioun wou mer Kanner , wou d‘Familljen hinnen keen Cadeau fir Niklosdag oder Kreschtdag kennen schenken, probéieren dëst ze erméiglechen. Mir froen d’Office Socialen aus dem Land an verschidden Servicer vum Roude Kräiz , Familljen ze identifizéieren wou dëst de Fall ass. Des Familljen kréien vun ons en Courrier geschéckt mat engem Spillsaachenkatalog deen mir selwer opstellen. Kanner däerfen sech eng Spillsaach bis max.30€ eraussichen. D’Kanner ginn gefrot en Bild als Merci ze molen fir déi Persoun , déi ons den Don mëscht, vir saïn Cadeau ze kafen.

Mir ginn selwer d ‘Cadeauen kafen, paken se an Cadeauspabeier an, an bis spéitstens den 24 Dezember feieren mir selwer d ‘Cadeauen bei d ‘Kanner heem!

All Joer konnten tëschen 150 -200 Kanner vun onser Aktioun profitéieren.

Dëst Joer fannt Dir ons och um Bazar am Zelt um Glacis. 

Eng Aktioun die ons besonnesch um Häerz läit, an ouni d ‘Hëllef vun den Läit dobaussen net méiglech wier.